SOLUMI naceu en 2011, cando Desi e Marco nos coñecemos en Londres. O que comezou como unha relación profesional pronto se converteu no noso proxecto de vida, baseado na proximidade, a honestidade, a dedicación e o traballo ben feito. O nome SOLUMI nace das nosas tres fillas: Sofía (sabiduría), Lucía (luz) e Emilia (esforzo), reflectindo os valores que inspiran a forma de traballar da clínica.
En SOLUMI enténdese a saúde desde unha visión global, onde o organismo funciona como un sistema complexo no que interactúan factores biolóxicos, psicolóxicos e sociais. Os distintos sistemas do corpo, os hábitos, as experiencias, as emocións, os pensamentos, o descanso e o exercicio forman parte desa interacción e condicionan o benestar. Comprender estas relacións permite abordar cada caso de forma completa e personalizada.
A primeira sesión é un paso fundamental do proceso. Nela realízase unha valoración profunda para coñecer a situación de cada persoa, identificar os factores que inflúen no seu problema e deseñar un plan adaptado ás súas necesidades. O obxectivo de SOLUMI non é só aliviar os síntomas, senón axudar a comprender que ocorre e acompañar a cada paciente na súa evolución. Para iso, cada tratamento baséase na mellor evidencia científica dispoñible, a experiencia clínica e as necesidades e obxectivos de cada persoa, nun contorno tranquilo, con salas individuais e un espazo destinado ao exercicio terapéutico e a readaptación funcional.
